Тыркум щызэхэт Адыгэ Лъэпкъ Хасэм (CNA) и тхьэмадэ Нусрет Баш КIуэкIуэ Казбек йолъэIу маим  и 21- м цIыхухэр, шухэр  Налшыч и уэрам нэхъыщхьэмкIэ иригъэкIуэну.

Пщэ Зыхуэтщ,

КӀУЭКӀУЭ Казбек Валерэ и къуэ Къэбэрдей-Балькъэр Республикэм и Президент

Зиусхьэн президент, Адыгэ лъэпкъ гъэкӀуэдымрэ Адыгэхэм я щыгъуэ-щӀэж махуэмрэ ехьылӀауэ Къэбэрдей-Балькъэр Республикэм щыпсэу ди лъэпкъэгъухэм лей зэрырахым теухуа хъыбархэм гузавэгъуэкӀэ дакӀолъэплъ.

Илъэс куэд хъуауэ Хэкумрэ диаспорэмрэ зэпӀэзэрыту щащӀу щыт, ди тхыдэм хэт лъэпкъ фэбжьышхуэм и щыгъуэ-щӀэжым фэщыгъуэну хуей ди лъэпкъэгъухэм ирах лейхэр мыхьэнэншэу икӀи сэбэпыншэу къыдолъытэ.

Социалънэ идэнтичностымрэ щэнхабзэ хъугъэфӀыгъуэхэмрэ гулъытэншэ щӀыным и гъусэу, щӀыхум и хуитыныгъэ лъабжьэхэм ящыщ шьуэ щыт зэхуэс-зэхэтым пэрыуэ хуэхъуныри емызэгъыу къыдолъытэ.

Урыс-Кавказ зауэхэм Адыгэ лъэпкъыр зэрагъэкӀуэдамрэ къыкӀэлъыкӀуэу хэкум къызэрырахуамрэ къызыщащӀэж, лъэпкъ акъылъыр къызыщагъэщӀэрэщӀэжь щыгъуэ-щӀэжь программэхэр, Къэбэрдей-Балькъэр ССР-м и Совет Нэхъыщхьэм и Парламетным 1992 гъэм мазаем и 7-м къыдигъэкӀа унафэу № 977-XII-V-м ипкъ иту цивилизовннэ щытыкӀэм тету ящӀыфын папщӀэ фи правительствэм зыхуениу Iуэхугъуэхэр игъэзэщӀэныр, волонтерхэм я жэрдэмхэр ядийгыныр ди лъэӀущ.

Мы Iуэхур къэдгъэсэбэпкӀэрэ къыхэдгъэщыну дыхуейщ; ди тхыдэ фэбжьхэр гъэхъужьын икӀи мамыру зэгъусэу зэдзпсэун папщӀэ мыхьэнэшхуэ зиӀэу къэтлъытэ Iуэхугъуэхэм теухуауэ Адыгэ хасахэм я лэжьыгъэхэм дэӀэпыкъуэгъу факъыхуэхъуным дыпоплъэ:

1. Урысей Федерацэм, урыс пащтыхьыгъуэм Адыгэхэм лъэпкъ гъэкӀуэд къазэрихуигъэкӀуар икӀи хэкум къызэрырихуар къабыл ищӀу къыхуагъэгъунымкӀэ лъэӀу къитхьиным,
2. Я хуитыныгъэ куэдымкӀэ зэранышхуэхэр зэрата ди адэжьхэм я пщӀэр къратыжьным,
3. Диаспорэм щыпсэу Адыгэхэм Хэкум къагъэзэжьным теухуауэ пэубьд хэмылъу хуитыныгъэ къятыным,
4. Хэкумрэ диаспорэмрэ я кум дэлъ зэпыщӀэныгъэхэр ди лъэпкъ лъапӀэныгъэхэм (Хабзэ), щӀыху хуитыныгъэхэм икӀи демократическэ хэтыныгъэм тету быдэ щӀыным.

Зиусхьэн, дунейм и къэрал щэ ныкъуэм щикъухьа ди лъэпкъым къэкӀуэну нэхъыфӀ иӀэн папщӀэ Къэбэрдей-Балькъэр Республикэмрэ Адыгэ Лъэпкъ Хасэмрэ (CNA) я кум зэгурыӀуэ дэлъу зэдэлэжьэфынхэм теухуа ди щӀэхъуэпс пэжхэр къафщтэ.

ПщӀэшхуэ къыфхудощ,